Berde berdea

Berde berdea Kutxak sortutako ekimena da. Honen bidez lortu nahi dutena Gipuzkoako gazteek ingurumena ezagutzea da, horretarako teknologia berriak erabiltzen dituzte eta bost gai lantzen dira: bioaniztasuna, atmosferaren kutsadura, ura, oporraldi ekologikoagoak eta klima-aldaketa.
Berde berdean parte hartzeko ikasleek izena eman behar dute baina edonork parte har dezake web orriaren bidez. Ikasleek klasean aipatutako bost gai horietako bakoitza lantzeko material hau erabiltzen dute:

• 8-10 minutu inguruko filma.
• Aukera anitzeko 15 galderez osatutako galdetegia.
  
• Irakaslearentzako eta ikasleentzako koadernoa, gaia ulertu eta berrikustea ahalbidetu eta galdetegia osatzen lagunduko diena.
  
• Material osagarria; bideoak, infografiak…biltzen dituen CDa.

Material hau berde-berdea.net orrian aurki dezakegu.
Kutxa-ren proiektu honek hau du helburua: gazteen heziketa eta parte hartzea sustatzea ingurumenaren alde.
Proiektu honen bidez elkarte batzuei laguntza ematen zaie. Ikasleek aukeratutako ingurumenaren aldeko elkarteak dirulaguntzak jasoko ditu ikasleen partaidetzari esker. Berde-berdeako ikasle partaideek pasahitzak dituzte, galderak eginez puntuak lortzeko aukeratuko elkarteari emateko. Elkarte hauei ematen zaie laguntza berde-berdearen bidez:

• Aranzadi: Hegazti migratzaileen eraztunketa eta ikerketa Txingudiko paduretan.
• Arrano Etxea: Sendatzen dituzten animalia basatien aterpeak eraberritzea.
• EIBE: Euskal kostaldea zeharkatzen duten izurde handien ikerketa.
• The Green Belt Movement: Kenyako baso-berritze ekimenerako zuhaitzen erosketa eta landaketa.

Web orrian berriak irakurtzeko aukera ere badago.

Berde-berdearen laburpen txiki bat egin dizuet hemen. Berde-berdearen orrian sartu eta materiala ikustea gomendatzen dizuet.

Adibide pare bat

Aurreko post batean Eskolako Agenda 21 proiektuan sartzen diren gaiei buruz hitz egiten ibili ginen eta gaur, horrekin jarraituz, Eskolako Agenda 21eko adierazleen bi adibide emango ditugu, bata Ikastetxeak klima-aldaketa globalari egiten dion ekarpena eta bestea Eskolako berdeguneak.
Ikastetxeak klima-aldaketa globalari egiten dion ekarpena:

• Testuingurua: Ikastetxe jasangarri bat arduratsua da klima-aldaketaren arazoarekiko, erregai-fosilen energia-kontsumoa murriztu eta arian-arian energia alternatiboak sartu behar ditu.
• Helburuak: Kyotoko konferentzian 2010. urterako negutegi efektua duten gasen produkzioa 1990ko mailetara jaistea xedatu zen. Europar batasunak gasen produkzoa %8an murriztea erabaki zuen. Estatu eta eskualde desberdinek murrizketa zorrotzagoak ezarri dituzte. Ikastetxe batean fuel-olioaren edo gasaren kontsumoa elektrizitatearen kontsumoa eta garraio pribatuaren erabilera %10etik %20ra bitartean murrizteko helburuak plantea daitezke.
• Neurketa-unitatea: Fuel-olio/gas/elektrizitatearen kontsumoa eta auto partikularren kopurua.
• Tresna: Ordainagiriak eta kontagailuen irakurketa, eta ibilgailuen kontrolerako galde-sorta.
• Maiztasuna: Urtean behin edo bi urtean behin.
• Irudikapena: Elektrizitatearen eta fuel-olio edo gasaren kontsumoaren grafikoa eta ikastetxera iristen diren auto pribatuen grafikoa.
• Arduraduna: Ingurumen Batzordea.

Eskolako berdeguneak:

• Testuingurua: Ikastetxe jasangarri batek berdeguneak baloratu eta sortu behar ditu, zonako dibertsitatea islatu eta espazio horiek didaktikoki erabiltzeko.
• Helburuak: Ikastetxeko jolastokietako edo ikastetxe barneko berdegune-kopurua handitzea edo jada daudenetan espezieen aniztasuna areagotzea.
• Neurketa-unitatea: berdeguneei (lorategiak, urmaelak, baratzeak...) eskainitako ikastetxearen azaleraren %.
• Tresna: Eskola-esparruaren planoak.
• Maiztasuna: Urtean behin edo bi urtean behin:
• Irudikapena: Sektore diagrama.
• Arduraduna: Ingurumen batzordea.