Energia berriztagarriak

Aurreko sarrera batzuetan kutsadurari buruz hitz egin dugu eta kutsadura eragiten duten giza ekintzei buruz. Kutsadura atmosferikoa sortzen duen faktore garrantzitsu bat kotxeen kea zela esan genuen eta beste faktore oso garrantzitsu bat energia da. Gizakiok energia sortzeko atmosferara gas asko botatzen ditugu eta hauek atmosfera kutsatzen dute, baina badago energia sortzeko modu ez kutsakorra: energia berriztagarriak. Energia berriztagarriak horrela deitzen dira iturri natural agortezinetatik lortzen direlako, batzuk bukatu daitezke baina naturak berriro sortzen dituenez agortezinak direla esan dezakegu.
Energia berriztagarriak honakoak dira:

• Energia hidraulikoa: Ur-jauzietako ura turbina mugitzeko erabiltzen dira. Horrela, energia elektriko bihurtzen da.

• Eguzki energia: Eguzki izpiak panel batzuen bidez harrapatzen dira eta ondoren energia termiko edo elektrikoa bihurtzeko.
• Energia eolikoa: Haizearen indarraren bidez lortutako energia da.
• Energia geotermikoa: Lurraren barneko beroa erabiltzen da bai ura berotzeko eta bai turbinak martxan jartzeko.

• Energia mareomotriza: mareen mugimendua erabiltzen da turbina hidraulikoak mugitzeko.

Energia mota hauek ez dute atmosfera kutsatzen eta beraz, ez dute beropen globalean eragiten.